ಧ್ಯೇಯೋದ್ದೇಶಗಳು

Objectives

Purpose and direction

A clear path for learning, service and cultural continuity.

ಮಂಗಳೂರು ಹೋಬಳಿಯ ಪುತ್ತೂರು ಪರಿಸರದ ಪ್ರಸಿದ್ಧ ವೈದಿಕ ವಿದ್ವಾಂಸರಾಗಿದ್ದ ದಿವಂಗತ ಮಿತ್ತೂರು ಪುರೋಹಿತ ತಿಮ್ಮಯ್ಯ ಭಟ್ಟರ ಸ್ಮರಣಾರ್ಥ ದಿನಾಂಕ 7-11-1993ರಂದು ಸ್ಥಾಪಿತವಾದ ನಮ್ಮ ಸಂಪ್ರತಿಷ್ಠಾನವು ಈ ಕೆಳಗಿನ ಧ್ಯೇಯೋದ್ದೇಶಗಳನ್ನು ಮುಖ್ಯವಾಗಿ ಇಟ್ಟುಕೊಂಡಿದೆ.

ವೈದಿಕ-ಲೌಕಿಕ ಸಾಹಿತ್ಯಗಳನ್ನೊಳಗೊಂಡ ಸಂಸ್ಕೃತಭಾಷಾಸಂಬಂಧಿ ಕಾರ್ಯಕ್ರಮಗಳನ್ನು ರೂಪಿಸಿಕೊಂಡು ಕಾರ್ಯಗತಗೊಳಿಸುವುದು ಆ ಮೂಲಕ ಸಂಸ್ಕೃತಸಂಬಂಧಿ ಶಿಕ್ಷಣವನ್ನು ಊರ್ಜಿತಗೊಳಿಸಿ ಪ್ರಚಾರಪಡಿಸುವುದು,
ಶಿಕ್ಷಣಾಸಕ್ತಿಯ ಗ್ರಂಥಗಳನ್ನು ಸಂಚಿಕೆಗಳನ್ನು ಪ್ರಕಟಿಸುವುದು.
ಶಿಕ್ಷಣಪ್ರಸಾರದೊಂದಿಗೆ ಆರ್ಥಿಕವಾಗಿ ಹಿಂದುಳಿದವರಿಗೆ ಸಹಾಯ ನೀಡುವುದು.
ಸಮಾಜದ ಬೌದ್ಧಿಕ, ದೈಹಿಕ ಹಾಗೂ ಸಾಂಸ್ಕೃತಿಕ ಮುನ್ನಡೆಯನ್ನು ಸಾಧಿಸುವುದು.
ತನ್ನ ಅಥವಾ ಇತರ ಸಮಾನಾಭಿರುಚಿಯ ಸಂಸ್ಥೆಗಳ ಮೂಲಕ ಶಿಕ್ಷಣ, ಸಂಸ್ಕೃತಿ ಇಂತಹವನ್ನು ಪ್ರಚಾರಗೊಳಿಸಲು ಉಪಯುಕ್ತವಾಗುವ ನಿಧಿಗಳನ್ನು ಸ್ಥಾಪಿಸಿ ಬೆಳೆಸುವುದು.
ವಿದ್ಯಾರ್ಥಿಗಳಿಗೆ ಆಹಾರ, ವಸತಿ, ಇಂತಹವನ್ನು ಒದಗಿಸಲು ಉಪಯುಕ್ತವಾಗುವಂತೆ ನಿಧಿಗಳನ್ನು ಸ್ಥಾಪಿಸುವುದು.
ವಿದ್ಯಾರ್ಥಿಗಳಿಗೆ ಶಿಷ್ಯವೇತನ ಮೊದಲಾದವನ್ನು ನೀಡುವ ಮೂಲಕ ಅವರ ಶೈಕ್ಷಣಿಕ ಮುನ್ನಡೆಯನ್ನು ಸಾಧಿಸುವುದು.
ಸಂಸ್ಕೃತಸಾಹಿತ್ಯಕ್ಕೆ ವಿಶೇಷ ಅವಧಾರಣೆ ನೀಡುವಂತಹ ಸಭೆ, ಸಮ್ಮೇಳನ, ಉಪನ್ಯಾಸ, ಪ್ರಾತ್ಯಕ್ಷಿಕೆ ಮೊದಲಾದುವನ್ನು ಏರ್ಪಡಿಸುವುದು; ಸಾಧ್ಯವಿದ್ದಲ್ಲಿ ಇಂತಹವನ್ನು ಸಂಸ್ಕೃತೇತರ ವಿಷಯಗಳಿಗೆ ವಿಸ್ತರಿಸುವುದು.
ಭಾರತೀಯತೆ ಹಾಗೂ ತತ್ಸಂಬಂಧಿ ವಿಷಯಗಳ ಕುರಿತು ಸಂಗ್ರಹ, ಸಂಶೋಧನೆ, ಪ್ರಸಾರ- ಇಂತಹವನ್ನು ಕೈಗೊಳ್ಳುವುದು.
ವಿದ್ಯಾರ್ಥಿಗಳ, ಮುಖ್ಯವಾಗಿ ಸಂಶೋಧನ ವಿದ್ಯಾರ್ಥಿಗಳ ಉಪಯೋಗಕ್ಕಾಗಿ ಗ್ರಂಥಾಲಯ, ಅಧ್ಯಯನ ಕೇಂದ್ರ ಮೊದಲಾದುವನ್ನು ಸ್ಥಾಪಿಸುವುದು.
ಮಾನವೀಯತೆ, ವಿಜ್ಞಾನ ಅಥವಾ ಯಾವುದೇ ವೈಚಾರಿಕ ವಿಭಾಗದಲ್ಲಿ ವಿಶಿಷ್ಟ ಕೊಡುಗೆ ಮಾಡಿದವರನ್ನು ಗುರುತಿಸಿ ಗೌರವಿಸುವುದು.
ಆರೋಗ್ಯದಂತಹ ಸಾಮಾಜಿಕ ವಿಷಯಗಳನ್ನು ಕೇಂದ್ರವಾಗಿರಿಸಿ ಜ್ಞಾನಪ್ರಸಾರ, ಆರ್ಥಿಕ ಸಹಾಯ ಇಂತಹವನ್ನು ಒದಗಿಸುವುದು.
ಸಂಪ್ರತಿಷ್ಠಾನಕ್ಕೆ ಸಂಬಂಧಿಸಿದ ನಿಧಿಯ ಯಾವುದೇ ಅಂಶವು ಸಂಪ್ರತಿಷ್ಠಾನದ ಉದ್ದೇಶದ ಹೊರತು ವೈಯಕ್ತಿಕ ಉದ್ದೇಶಗಳಿಗೆ ಎಂದೂ ಉಪಯೋಗಹೊಂದದಂತೆ ಎಚ್ಚರವಹಿಸುವುದು.
ಮೇಲೆ ತೋರಿಸಲಾದ ರೂಪರೇಖೆಗಳ ಅಂಗವಾಗಿ ನಡೆಯಬಹುದಾದ ಯಾವುದೇ ಕಾರ್ಯಕ್ರಮಗಳನ್ನು ಸಂದರ್ಭೋಚಿತವಾಗಿ ರೂಪಿಸಿ ಕಾರ್ಯಗತಗೊಳಿಸುವುದು.